Programa Inserta

Programa de incentivos á contratación temporal

Orde do 28 de maio

• Obxecto

Incentivar á contratación temporal coa finalidade de favorecer a inserción laboral das persoas traballadoras que presentan desvantaxes e dificultades para reincorporarse ao mercado de traballo e para fomentar a conciliación da vida persoal, familiar e laboral.
As contratacións polas que se solicita subvención deberán formalizarse e comunicarse á oficina pública de emprego na forma regulamentariamente establecida, e ter data de inicio comprendida entre o 1 de outubro de 2012 e o 30 de setembro de 2013, ambas inclusive.

Entidades BeneficiariasPoderán ser entidades beneficiarias dos incentivos previstos nesta orde as persoas empregadoras e as empresas, calquera que sexa a forma xurídica que adopten, incluídas as persoas autónomas, as sociedades civís e as comunidades de bens, aínda que carezan de personalidade xurídica, que contraten traballadoras ou traballadores por conta allea para prestaren servizos en centros de traballo radicados na Comunidade Autónoma de Galicia, de acordo cos requisitos e condicións que se establecen nesta orde e que acrediten a condición de entidade colaboradora segundo o establecido no artigo 2º da orde de convocatoria

Contratacións subvencionables

Os incentivos previstos neste programa serán de aplicación ás contratacións temporais que se realicen polas entidades colaboradoras con aquelas persoas desempregadas que teñan a consideración de participantes activas nos programas de fomento da empregabilidade.

Todas as modalidades contractuais de carácter temporal, cunha duración mínima de 6 meses e máxima de 12 meses, que se realicen con persoas desempregadas que pertenzan a algún dos colectivos en risco de exclusión social relacionados no artigo 2º.2 da orde de convocatoria incentivaranse cunha contía de 2.500 euros a 5.000 euros en función da duración do contrato.

Contratos de interinidade sempre que se realicen con persoas desempregadas de acordo co establecido no artigo 2º.1 desta orde, para substituír persoas traballadoras en excedencia por coidado de familiares, nos supostos e termos previstos no artigo 46º.3 do Estatuto dos Traballadores, por un período non inferior a catro meses nin superior a tres anos, e sempre que en virtude de disposición legal ou convenio colectivo de aplicación se trate dunha excedencia con reserva de posto de traballo, ou con redución de xornada de traballo por motivos familiares nos supostos e termos previstos no artigo 37º.5 do Estatuto dos Traballadores, incentivaranse cunha axuda de 2.000 euros, que se reducirá proporcionalmente cando a súa duración sexa por un período inferior a un ano.

Prazo de solicitudes

As axudas previstas neste programa poderán solicitarse ata o último día do mes seguinte á data en que se inicie a relación laboral.
O prazo para a presentación das solicitudes de axudas rematará o 30 de setembro de 2013, aínda que nesa data non transcorrese o prazo sinalado no parágrafo anterior.
As solicitudes de axudas polas contratacións realizadas entre o 1 de outubro de 2012 e a data da publicación desta orde (6/06/2013), poderán presentarse no prazo dun mes desde a data de publicación da orde reguladora (6/07/2013).

Atención: empregue a ferramenta de axuda ao recheo da solicitude que ten á súa disposición na Sede electrónica

Advertisement

‹ Novos boletíns e ofertas de emprego

Axudas a autónomos pola contratación indefinida ›

Etiquetado con: contratación, desempregados, programa de incentivos
Publicado en novas