Artigos 120 e ss. da Lei 14/2011, do 16 de decembro, pola que se modifica a Lei 5/1998, do 18 de decembro, de cooperativas de Galicia
Concepto e funcionamento.-
Unha cooperativa de vivendas é un conxunto de persoas, maioritariamente físicas, que precisan aloxamento e/ou locais para sí e as persoas que convivan con elas. Teñen por obxecto procurar vivendas preferentemente habituais e/ou locais, para as súas persoas socias, así como procurar edificacións e instalacións complementarias, e rehabilitación de vivendas, locais, elementos, zonas ou edificacións que sexan complementarias a éstas. Sempre e cando sexa para levar a cabo o seu obxeto social, poden desenvolver tódalas actividades que precisen.
A propiedade ou uso e gozo das vivendas e locais poderán serlles adxudicados ou cedidos ás persoas socias mediante calquera título admitido en dereito.
Cando se trate de cooperativas de vivendas protexidas haberá que aterse ó disposto na normativa reguladora aplicable.
A cooperativa constituiráse por tempo determinado, que será fixado nos seus estatutos, e deberá disolverse por cumprimento do seu obxecto social unha vez que finalice a execución da promoción e entrega de vivendas e locais, sendo o tempo máximo de 6 anos contados dende a data de outorgamento da licencia municipal de primeira ocupación.
Administrarán e xestionarán de forma directa a promoción de vivendas e locais, e non poderán cederlles tal xestión a terceiras persoas mediante ningún título, agás que así estea acordado pola asamblea xeral.
As cooperativas de vivendas teñen dereito á adquisición preferente de terreos de xestión pública para o cumprimento dos seus fins específicos.
Cada socio ten a obriga de habitar a vivenda e non pode ser titular de máis dunha en cada cooperativa, agás en casos de familia numerosa. No caso de que pretenda transmitir inter vivos os seus dereitos sobre a vivenda ou local, antes de transcorreren cinco anos ou outro prazo superior fixado polos estatutos, deberá poñela a disposición da cooperativa, para que ésta lla ofreza ós socios expectantes, por orde de antigüidade. Se transcurridos 3 meses sen que ningún socio expectante faga uso do seu dereito de preferencia, o socio propietario queda autorizado para transmitilo a terceiros non socios.
Ningunha persoa poderá ser membro, simultáneamente, do consello reitor en máis dunha cooperativa de vivendas, e en ningún caso poderá percibir remuneracións ou compensacións polo desenvolvemento do cargo, sen perxuício de ser resarcida nos gastos que lle orixine.
Se a cooperativa obtén dos socios cantidades en diñeiro anticipadas para a construcción das vivendas e locais, deberá recibilas a través dunha entidade de crédito, na que deberán depositarse en conta especial coa separación doutra clase de fondos, e das que soamente poderá dispoñerse para as atencións derivadas da construcción das vivendas e locais.
Deberán someter as contas anualmente a unha auditoría externa antes de presentalas na asamblea xeral ordinaria, agás cando a actividade non supere o capital social.
Promoción de vivenda protexida realizada por cooperativas. Plan de vivenda 2009-2012
empreg@ 
Deixar unha resposta