Real Decreto 1674/2012,de 14 de decembro, polo que se establecen as bases reguladoras para a concesión de subvencións públicas destinadas ao financiamento da acción «O teu primeiro traballo EURES».
Este Real Decreto establece as normas polas que se concretan as axudas tendentes á consecución dos obxectivos da acción «O teu primeiro traballo EURES», así como os requisitos e o procedemento para a concesión destas.
Trátase dunha acción proposta pola Comisión Europea e avalada polo Parlamento Europeo e o Consello, que xorde para promover e apoiar a mobilidade laboral dos mozos en toda Europa. A tal fin, a Unión Europea destinou un presuposto total de 4 millóns de euros co obxectivo de seleccionar e financiar un máximo de catro accións a través de servizos de emprego públicos, privados ou do terceiro sector dos Estados membros da UE. A execución terá lugar ao longo de 2012 e 2013.
Para o desenvolvemento desta iniciativa en España, o Servizo Público de Emprego Estatal (SEPE), representante do Estado español na Rede EURES, presentou unha proposta que foi seleccionada pola CE por ser un proxecto coordinado de todos os servizos públicos de emprego autonómicos.
A acción «O teu primeiro traballo EURES» ten como finalidade establecer axudas para apoiar a mobilidade laboral dos mozos a través de procesos de selección de ofertas de emprego xestionadas pola Rede de Servizos Públicos de Emprego Europeos (Rede EURES). As devanditas axudas van dirixidas a mozos traballadores e a pequenas e medianas empresas para facilitar a súa inserción laboral en países da Unión Europea cando a contratación supoña un cambio de país de residencia, ofrecéndolles un programa de integración.
empreg@ 
Deixar unha resposta