Bolsa Cooperativa

BOLSA COOPERATIVA DE AN-Emprego (BC)

         O proceso emprendedor é un camiño difícil que precisa de vontade, sorte e capacidade. As dificultades céntranse en atopar unha idea atractiva e non deixarse desanimar polos obstáculos que ten o proceso. É importante recoñecer que en moitas ocasións as vantaxes e beneficios fanse esperar e o emprendedor ha de ter paciencia e tenacidade, xa que se trata dunha aventura. A cultura emprendedora é un sinal de identidade que debemos de manter e potenciar, xa que se conta con tres elementos base:

• Descubrimento dunha oportunidade (idea de negocio).
• Deseño – creación dun producto ou servizo para obter un beneficio, de maneira que satisfaga unha necesidade.
• Posta en marcha do servizo ou producto para acadar resultados.

Dende a Oficina de Fomento Cooperativo da Mancomunidade de municipios de Arousa Norte sabemos que a idea de emprendemento resulta moi atractiva, pero pode ser que resulte inviable debido á falla de recursos, de preparación, ou no caso do cooperativismo, de persoas coas que iniciarse no mundo empresarial, coas que se comparta formación, experiencia ou un proxecto de negocio, e incluso riscos.

É ésta razón pola cal, co fin de divulgar o cooperativismo na comarca do Barbanza e fomentar a economía social e a creación de emprego a través da fórmula cooperativa, a Oficina de Fomento Cooperativo da Mancomunidade elaborará unha BOLSA COOPERATIVA na que se poderán apuntar todas aquelas persoas que estean buscando socios para o seu proxecto cooperativo ou que queiran ofrecerse para formar parte doutros proxectos que xa estean en camiño. A idea é poñer en contacto a dúas ou máis persoas descoñecidas entre sí, pero que compartan unha idea de negocio, formación ou experiencia profesional, e así poidan materializar a creación da súa empresa e o seu propio posto de traballo, compartindo os riscos que isto supón.

BASES DA BOLSA DE SOCIOS

FORMULARIO DE PARTICIPACIÓN